CAGAYAN DE ORO CITY – Nasikop ang tulo ka empleyado nga giingong nangawat sa balor P1-miyon pesos nga ligid sa mga heavy equipment diha Sun Prince TBA Corp. Puntod ning syudad.
Giila ang mga nadakpan nga sila si warehouse supervisor Cherybel Combong,34-anyos ug ang driver nga si Ernie Paler, 30-anyos, pulos taga Brgy Baikingon ning syudad.
Nasikop usab sa gihimong follow up operation usa pa ka driver nga si Joel Lansaderas, 53-anyos sa Brgy Lapasan sa syudad.
Gibutyag ni Police Corporal Raymond Daisog, imbestigador sa Macabalan Police Station nga nasapon sa CCTV camera ang mga suspetsado dihang ilang gihimo ang krimen sa bogeda nga gipanag-iyahan sa usa ka Chinese-Filipino nga si Ian Tan.
Miingon si Daisog nga gitakdang kasuhan sa qualified theft ang mga suspetsado sa piskalya ning adlawa.
