CAGAYAN DE ORO CITY- Gialerto karon sa hugpong sa transport group ang katawhan nga mangandam sa dakong welga o transport pahulay nga ilusad sa syudad ug lalawigan sa sunod semana.
Kini human gikontra sa dagkong transport group sa kauluhan ang mando sa Dept of Transportation o DOTr nga wad-on na ang mga sakyanan nga nag-edad sa 15 anyos pataas nga magdagan sa kadalanan palibot sa nasud.
Gibutyag ni National Confederation of Transport Union o NCTU coordinator Joel Gabatan nga hayan mahitabo ang welga sa adlaw’ng Lunes.
Una nang nangayo’g 5 ka tuig nga moratorium ang transport groups sa maong sugyot apan gibalibaran sa gobierno hinungdan sa ilusad nila nga welga sunod semana.
