Mga bag-ong sugyot nga balaod alang sa mga mamumuo ang gipresentar sa grupong Young Free Workers atol sa ilang pag-apil sa launching sa Workers’ Rights Watch report sa miaging adlaw.
Sumala ni Norvin Gavino, interim president sa grupo, lakip sa ilang giandam nga rekomendasyon ang Writ of Manggagawa nga ilang gidala na sa Department of Labor and Employment ug plano usab ipasaka ngadto sa ubang ahensya sa gobyerno ug sa Korte Suprema.
Dugang pa niya, ang maong sugyot nagtinguha nga mapalig-on ang legal nga proteksyon sa mga trabahante batok sa mga paglapas sa ilang katungod.
Sa laing bahin, mipadayag usab ang grupo sa ilang panawagan alang sa mga BPO workers nga magbuo og Magna Carta para sa ilang sektor aron masiguro ang kahimtang sa trabaho.
Kini, matod pa, nakabase sa mga findings sa Workers’ Rights Watch report nga nagpakita sa padayon nga mga paglapas sa labor rights sa nasud.
Busa, padayon ang ilang panawagan alang sa mas lig-on nga balaod ug sistema nga motubag sa panginahanglan sa mga mamumuo.
