CAGAYAN DE ORO CITY – Ipatawag sa konseho ang kadagkuan sa Xavier University (XU) officials ug ubang hingtungdang ahensiya sa gobierno nga dunay direktang kalambigitan sa katungod ug proteksyon sa mga magtutungha sa kolihiyo dinhi sa syudad.
Kini human uyuni sa mayoriya sa konseho sa pagpangulo ni City Vice Mayor Jocelyn’ Bebot’ Rodriguez ang special report ni Konsehala Girlie Balaba nga dunay imbestigasyon sa laing diskriminasyon sa pipila ka tinun-an sa kursong nursing sulod sa maong unibersidad.
Sa pagbatbat ni Balaba,gidiga niini ang written complaint sa duha ka tinunan-an nga babayeng mga igsoong Muslim nga giingong nakasinati sa diskriminasyon tungod lang sa pagsul-ob nila sa jihab o purong sa ilang ulo sulod sa klase.
Dugang sa konsehala nga usa sa mga reklamante ang napugos nagbalhin sa laing kurso gikan sa nursing studies kay maglisod kini’g sanong sa gustong mahitabo epekto sa pagpang-ipit.
Hinoon,mismo usab si Balaba ang nagsulti nga gilayong may gihimo na nga aksyon ang administrasyon sa tunghaan sa hitabo.
Apan dili kini kontento rason nga gidala sa konseho aron dunay mapanday nga balaod nga magamit nga proteksyon batok sa susamang kasinatian dili lamang sa maong unibersidad pero bisan sa ubang mga dagkong state colleges palibot sa syudad.
Una niini,nadismaya usab sila Rodriguez kinsa licensed nurse sama kang Balaba ug ubang mga konsehal nga naminaw sa maong special report.
Dugtong niini, magtigom ang mga hingtungdang komitiba sa konseho aron dungan nga dunggon ang mga partido nga nalambigit sa maong isyu.
Hisayrang bisan ang Central Student Government ang gilayon usab mihimo’g aksyon sa hitabo kay tinguha nila nga dili na masundan ang dili makiangayon nga gidangatan sa pipila ka estudyante sa maong respetado ug dekalidad nga unibersidad.
