Human sa taas nga adlaw sa pagpakahilom, mitingog na si Presidente Ferdinand Marcos Jr., kalabot sa exposey nga gipahungaw ni resigned partylist representative Zaldy Co. Miingon si Marcos nga magpadayon ang iyang paningkamot sa paghatag kasayuran sa katawhan ilabe na sa mga kaso ug impormasyon nga nakolekta sa gobyerno kabahin sa dili maayo nga mga flood control project sa DPWH. Hisayran nga gikan mismo sa baba sa presidente nagsumikad ang pag-ingon nga lakip giimbestigaran ang iyang ig-agaw nga si kanhi speaker Martin Romualdez, ug ang kanhi kaalyado niini nga si Co. Miingon ang presidente nga kung mapalig-on ang mga ebidensya mahimo silang kasuhan sa plunder, anti-graft, o indirect bribery. Mihangyo ang presidente nga hatagan sa igong pagsalig ang mga imbesigasyon nga gilusad sa ICI ug Office of the Ombudsman
