Mi-inisyar sa pakigtagbo si Ukrainian President Volodymr Zelenskyy kang Republican presidential standard bearer Donald Trump sa sidelines sa United Nations 79th Assembly Debate sa New York City, estado sa New York,USA.
Personal nga mi-angkon si Zelenskyy nga mismo gusto mohinagbo kang Trump aron mukutay sa komonikasyon kalabot sa iyang laraw sa Russia-Ukraine War.
Miingon si Zelensky nga mahinundanon alang sa ilang nasud ang nakahan-ay nga plano ni Trump kun ugaling siya ang mudaug nga presidente sa Estadus Unidos sa Nobyembre nga piliay.
Sa pikas bahin, gidawat ni Trump ang imbitasyon ni Zelenskyy ug namulong nga kalinaw ang una niyang suportahan.
Mahinumduman nga si Trump mismo ang midagnay kang Zelenskyy isip “greatest businessman of all times” tungod sa iyang paglibot suroy sa daghang nasud.
Kini aron mangayog ayuda sa ilang mga sundalo nga padayong nakig-agbat sa puwersa ni Russian President Vladimir Putin.
Si Putin ug Trump, iladong managhigala sa international community.(Bombo Anne Quileste).
