CAGAYAN DE ORO CITY – Gipanglaay ang mga empleyado sa city ug provincial election offices sa unang adlaw sa Certificate of Candidacy o COC filing sa potential candidates sa syudad ingon man sa lalawigan kagahapong adlawa.
Kini human kompirmaha ni Misamis Oriental Provincial Election Supervisor Atty Carlito Ravelo nga walay bisan usa nga nagduso’g kandidato sa bisan unsa nga posisyon sa iyang buhatan ingon man sa duha ka dristict offices ning syudad.
Apan pag-abot sa kalungsura sa lalawigan,adunay upat ka kumpleto nga municipal slate nga nagduso na’g COC nga gilangkuban sa Lakas-CMD-Nationalista Party-Padayon Pilipino sa kalungsuran sa Magsaysay,Talisayan,Kinoguitan ug Sugbongcogon.
Samtang ang lungsod usab sa Alubijid nga ubos usab sa National Unity Party ang nakaduso na.
Siya miingon nga lauman nga modaghan na ang mag-file sa buhatan ning adlawa.
