Kinahanglang mokita og dili ubos sa ₱14,938 kada bulan ang usa ka pamilyang adunay lima ka miyembro sa Rehiyon 10 aron makab-ot ang batakang panginahanglan sa pagkaon ug dili pagkaon.
Sumala sa gipahayag ni PSA Region 10 Senior Statistical Specialist Jenelyn Las Pobres sa Bombo Radyo, kini ang kasamtangang poverty threshold o sukdanan sa kapobrehon sa rehiyon.
Subay sa maong kwentada, ang matag usa ka indibidwal nagkinahanglan og pinakagamay nga ₱2,988 matag bulan.
Giklaro usab sa opisyal nga kon ang kita sa pamilya moubos sa maong kantidad, opisyal kini nga mabutang sa listahan sa mga kabus.-
