CAGAYAN DE ORO CITY – Misaka na sa 12 ka tawo ang namatay sa pagkatakdi sa coronavirus disease ning syudad.
Kini human kompirmaha ni City Health Office head Dra Lorraine Nery ang kamatayon sa laing pasyente nga local transmission case sa dakbayan.
Miingon si Nery nga napun-an usab sa 17 ka aktibong kaso sa bayrus ang syudad diin natala na kini sa 390 ka tawo ang apektado.
Gibutyag sa opisyal nga paspas ang ilang pagpatuman sa local lockdown diin pinakaulahi gipaubos sa kontrol ang porsyon sa Brgy Balulang ning syudad.
Hisayrang ang maong pasyente nga namatay ang daan nang nagbaton sa seryoso usab nga kahimtang ayha natakbuyan sa bayrus.
