Mitubo pa sa 13 ang gidaghanon sa mga namatay tungod sa sunog sa usa ka pabrika sa pabuto sa rehiyon sa Yaroslavl sa Rusya, sumala sa Ministry of Emergency Situations.
Namahayag ang ahensya nga anaa pa sa 15 ka tawo ang naa sa pasilidad sa dihang misugod ang sunog ug nasundan sa kusog nga pagbusikad.
Nahimutang ang pabrika sa baryo sa Kubrinsk, duol sa Pereslavl-Zalessky.
Duha ka mga building sa production site ang nadalahig sa sunog apan nakontrolar ra kini sa mga bombero.
Kapin sa 100 ka personnel ug 40 ka kagamitan ang gigamit aron mapalong ang kalayo.
Gisugdan na sa mga imbestigador ang pagsuta sa hinungdan sa insidente.
Una niini, gikuwestiyon sa mga kapulisan ang nanag-iya sa pabrika kung unsa nga sukdanan sa seguridad ang ilang gipatuman ug kung nganong nahitabo ang dakung pagbusikad.
