CAGAYAN DE ORO CITY – Wala na’y hunong ang pagsaka sa local case transmission ning syudad.
Gibutyag ni DoH 10 spokesperson Dr Adriano Suba-an nga subay kini sa COVID-19 Briefer No. 272 nga gikan sa 61 ka bag-ong local cases,nagbaton ang syudad sa 34 ka kaso; gisundan sa 18 ka kaso sa Bukidnon; 7 sa Misamis Occidental; 2 sa Misamis Oriental ug walay mga bag-ong kaso nga natala sa Camiguin ug Lanao del Norte.
Samtang dugang pito ka ROFS ug LSIs ang nagsumikad sa Bukidnon ug Misamis Oriental.
Ning adlawa, walay natala nga fatalities sa corona virus disease ug nagpabilin ang death toll sa rehiyon sa 145.
Subli nagpadumdom ang DoH nga likayan ang pagtambong sa mga party ug uban pang mass gathering nga hinungdan sa pagsaka sa kaso sa local transmission sa syudad.
