(Update) CAGAYAN DE ORO CITY – Temporaryong gi-kustodiya sa DSWD 10 ang 17 anyos nga batan-on nga responsabli sa kamatayon sa 67 anyos nga ginang dihang natigayon ang duguong bangga sa diversion road sa Barra,Opol,Misamis Oriental sa miaging semana.
Kini human milugwa ang impormasyon nga mismo na ang prosekusyon ang nagsulti nga DSWD lamang una ang maghupot sa suspek sa samtang wala pa’y kaso napasaka kay sa pabiling detinado sa kapolisan.
Una nang namahayag si Opol Police Station investigator Police Staff Sgt Daryl Carimilan nga kasuhan unta nila sa tulo ka kasong kreminal ang suspek tungod sa kamatayon sa biktima nga si Emilyn Pagaling ug pagkaangol sa laing unom ka kauban niini.
Hisayrang nabanggaan sa suspek nga nagmaneho sa Ford Everest ang mga biktima nga sakay usab sa Ford Expedition tungod sa kakusog sa Dagan niini sa milabay’ng semana.
