CAGAYAN DE ORO CITY – Giandam na sa National Bureau of Investigation o NBI-10 ang kasong ”human trafficking” batok sa duha ka Chinese nationals nga nadakpan sulod sa usa Marco Hotel sa Brgy Cugman ning syudad.
Naila ang mga suspek nga sila si Shen Quiang, 26-anyos ug Li Qi, 27-anyos nga pulos naggikan sa China.
Gibutyag ni City Social Welfare and Development o CSWD Oro Rescue Operations head Venamay Celeste nga gikuhaan na sa NBI sa affidavit ang 12 ka mga biktima nga ilang na-rescue sulod kauban ang mga langyaw nga gilangkuban sa 10 ka babaye diin 7 niini ang menor de edad ug duha ka bayot.
Dugang ni Celeste nga napaubos na usab sa medical check-up ang mga biktima aron mahibal-an kon nahilabtan sila sa suspek alang sa dugang kaso nga ipasaka batok kanila.
Gipangita karon sa NBI ang usa ka babaye nga giingong responsable sa pag-recruit sa mga menor de edad gamit ang social media nga Facebook.
