Na priso na sa Quezon City Jail Male Dormitory sa Payatas, Quezon City si Senador Jinggoy Estrada. Kini ang gikompirmar ni Department of Interior and Local Government (DILG) Secretary Jonvic Remulla.
Kagahapon, naglalis pa si Remulla ug si Senate President Alan Peter Cayetano kay gibasahan sa Miranda Rights ang senador sulod sa senado.
Una niini, misangpot sa panaglalis ang negosasyon ni Cayetano ug Remulla human mihangyo ang senate president nga isilbi ang mandamiento de arresto ni Estrada sa gawas sa gambalay.
Wala kini uyuni ni Remulla ug hingpit nilang giposasan si Estrada ug gidala sa prisohan sa Payatas.
Hisayran nga si Estrada dili una makagawas sa prisohan kay walay piyansa ang kasong plunder ug kuyog niya nga nasilbihan sa warrant of arrest si kanhi Department of Public Works and Highways (DPWH) Secretary Manuel Bonoan kinsa buluntaryo nga mitahan sa DILG ug PNP.
Wala sa prisohan napadulong si Bonoan kay mihangyo kining hospital arrest tungod sa pagsaka sa presyon sa iyang dugo
