Gilusad sa Provincial Mining Regulatory Board ang paghatag sa interim small-scale mining contracts sa duha ka lokasyon sa Awang, Opol ug Upper Malubog, Manticao.
Kini ang gikompirmar ni Geran Johan Flores, hepe sa Misamis Oriental PLENRO, sa pakighinabi sa BOMBO RADYO.
Gitin-aw ni Flores nga ang “interim” nga gipatuman samtang nagproseso pa ang mga aplikante sa ilang mga kulang nga dokumento aron makasugod na sila sa pagmina.
Bisan pa man niini, gipahinumdoman gihapon ang mga minero nga kinahanglan nila makuha ang ECC ug ang FPIC sa NCIP human sa usa ka tuig ug tunga.
Ang maong lakang nagtumong sa pag-regulate ug pag-monitor sa mga kalihokan sa pagmina sa nahisgutang mga dapit. Gilauman usab nga kini maghatag sa hapsay nga proseso alang sa mga nagtinguha nga mag-operate ubos sa balaod.
Nagpabiling hugot ang pagbantay sa mga hingtungdan nga ahensya aron masiguro ang pagsunod sa mga lagda sa kinaiyahan-
