CAGAYAN DE ORO CITY-Mag-atubang sa kasong rape ang duha ka taxi driver nga gitumbok sa menor de edad nga babayeng pasahero nga milugos kaniya sa Brgy Gusa sa miaging gabii.
Kini human nasikop ang mga suspek nga sila si Jerome Pelicio,24 anyos nga taga-Casinglot, Tagoloan ning lalawigan ug Jayson Gorres,20 anyos nga nagpuyo ning syudad.
Gibutyag ni Gorres nga gikasabutan nila sa biktima nga si alyas Ban2 nga mobayad sila sa 600 pesos bugti sa ihatag nga serbisyo niini.
Apan namugos ang biktima nga si Ban2 nga dili niya kabubut-on ang gihimo sa duruha kaniya.
Giklaro usab niini nga bugtong si Gorres lamang ang nakahilabot kaniya ug wala si Pelicio.
Samtang hayan masaka na ang kasong rape batok sa mga taxi driver nga gitumbok sa babayeng menor de edad nga milugos kaniya sa Brgy Gusa sa miaging gabii.
Kini human gibutyag ni alyas Ban2x nga gusto niya mahataga’g hustisya ang gihimo batok kaniya sa mga suspek.
Gibutyag ni PO3 Cherry Reyes,head sa Women and Children Protection Desk sa Agora Police Station nga pursigido ang biktima nga ipasaka ang kasong rape ilabina batok kang Gorres nga iyang nadumduman nga milugos kaniya.
Una niini,gi-pick up sa mga suspek ang biktima sa dalang Velez ug gidala sa Brgy Gusa diin nahitabo ang pasangil nga pagpanglugos.
