CAGAYAN DE ORO CITY, Philippines – Tolo ka adlaw nga pagbangutan ang gideklarar sa gobyerno sa Espanya tungod sa kapin 200 ka tawong namatay sa grabeng pagbaha sa tolo ka mga dagkung syudad sa ilang nasud.
Namahayag si Spanish Prime Minister Pedro Sanchez, nga misaka pa ang ihap sa nakalas sa 205, ug taas ang tsansa nga mudaghan ang ihap sa fatalities tungod sa mga tawong nalukong, sa kusog nga sulog sa baha, sulod sa ilang mga sakyanan.
Mi-angkon si Sanchez nga kinahanglan manubag ang hingtundang ahensya kung nganong nahitabo ang grabeng pagbaha nga nagresulta sa pagkakurat ug pagkatugaw sa mga residente sa Valencia City, Murcia, ug Cartaya City.
Nakatagamtam sa gihapon sa pagbaha, apan dili grabe, ang mga residente sa Castilla La Mancha region ug Andalusia, kundiin, duna gihapo’y nabangalan nga mga patay.
Ang narekober nga mga patay nagsumikad sa mga na-anod nga mga sakyanan, ug ang ilang mga lawas kasamtangan gihiluna sa mga temporaryo nga mga morge sulod sa ilang convention centers.
Kagahapon, libuang mga sibilyan ang nagtinabangay sa clean up ug recovery operation gikan sa mga apektadong syudad.
