Naghatag sa grabeng kasubo sa Gaza City ang pagkahugno sa una nang naguba na nga building sa al-Saada, diin dili mominus sa 21 ka tawo ang namatay, samtang daghan ang nangangol ug nawala.
Lakip sa nakaluwas mao ang 37-anyos nga si Hayat al-Ajlah nga namatyan og siyam ka sakop sa pamilya, lakip na ang iyang mga ginikanan, human sila naipit sa ilawom sa mga naguba nga pader ug semento.
Sumala sa mga nakakita ug mga lumulupyo sa palibot, dugay nang aduna’y mga liki ug daut ang maong bilding tungod sa nagapadayong gubat, apan napugos gihapon pagpuyo sa maong dapit ang mga pamilya aron makatago gikan sa lisud nga kahimtang sa mga tolda. (raniel mahunyag)
