Nahagsa ang usa ka ATR-42 nga eroplano sa Nigerian Air Force sa Ondo State, habagatan-kasadpang Nigeria, samtang nagbiyahe kini gikan sa Benin City paingon sa Lagos alang sa usa ka naandan nga misyon.
Sumala sa Nigerian Air Force, 25 ka tawo ang sakay sa maong eroplano, 20 ka pasahero ug lima ka tripulante, diin walay nakaluwas bisan isa kanila sa maong pagkahagsa.
Nawala sa radar ang eroplano ug napalgan ang wreckage niini duol sa usa ka naval base sa lungsod sa Igbokoda, diin gipahigayon ang search-and-rescue operations.
Tungod niini, gideklarar ni Presidente Bola Tinubu ang tulo ka adlaw nga nasudnong pagbangotan ug gimando ang hingpit nga imbestigasyon aron matino ang hinungdan sa maong pagkahagsa. (raniel mahunyag)
