Gilugwa na sa International Criminal Court (ICC) prosecution team ang “updated” nga listahan sa ebidensya batok kang kanhi Presidente Rodrigo Duterte batok sa iyang gi-atubang nga kasong “Crimes Against Humanity”. Subay sa report, gipatangtang sa mga huwes ang 253 ka items human gilusad nila ang pag-rebyu sa kaso.
Mahinumduman nga unang gisugyot ang redacted filing niadtong Oktubre 12 kundiin, gi-restructure ang ebidensya ngadto sa pito ka kategoriya sama sa trial witness-related materials, mga pamahayag ni Duterte, ug uban pang gi-ingong co-perpetrators, datasets, NGO materials ug open-source evidence.
Dugtong niini, gipadayag sa prosekusyon nga posibleng matangtang usab ang kapin sa 7,000 pa ka items kon mouyon ang depensa sa proposed agreed facts bahin sa usa ka koleksyon sa ebidensya. Lakip sa giila nga ebidensya mao ang mga rekord sa PNP nga may kalabotan sa drug-war killings.
Kini maoy pinaka-lab-as nga public redacted filing sa prosecution team sa ICC
