CAGAYAN DE ORO CITY – Kasamtangang gihimo sa Cagayan de Oro Hotel and Restaurant Association (COHARA) ang ika-28 nga hugna sa ‘Kumbira’ sa Atrium,Limketkai Center,Brgy Lapasan ning syudad.
Kini sa tuyo nga subling magkatagbo ang mga grupo ug indibidwal nga adunay angkong mga abilidad sa natad gitawag nga Philippine culinary heritage.
Gibutyag ni COHARA Pres. Jeffrey Limbonhai nga dakong kahigayunan kini sa trade exhibitors nga mapakita nila ang ilang mga mugnang produkto ug mga serbisyo alang sa mga kliyente niini dili lang sa Pilipinas apan sa pang-internasyonal nga mercado.
Siya miingong nga tsansa ang Kumbira nga masundayag sa mga partisipante ang ilang mga abilidad ug mapun-an pa ang kaalam tungod sa presensiya usab sa mga bantugang ‘chef’ gikan sa nagkadaiyang bahin sa nasud.
Kini nga kalihukan nga nagtangag sa tema nga ‘Keeping Traditions,Brewing Innovations’ ang mohatag kahigayunan sa publiko nga masaksihan ang panagtigi sa pagluto,pagtimpla sa lamian nga pagkaon ug ang paghikat-on sa mga partisipante sa workshops ug demonstrations nga ihatag sa mga sikat nga chefs.
Gitanyag usab sa Kumbira nga libre alang sa publiko nga masaksihan ang tulo ka adlaw nga aktibidad gikan petsa 16 hangtod Oktobre 18 ning tuiga.
Hisayrang dugay nang panahon nga inisyatiba kining Kumbira sa COHARA diin nakakuha na sa daghang pag-ila ug suporta dili lang sa local government sa Cagayan de Oro apan sa dakong bahin sa Pilipinas.
