Gikompirmar sa bandang 3 Doors Down nga nag-igo sa kanser ang ilang lead vocalist nga si Brad Arnold.
Sa milabay’ng adlaw, gipahibalo sa banda nga nadayagnos sa stage 4 kidney cancer human kini nagbaton sa clear cell renal carcinoma.
Kini nga matang sa cancer kasagarang makita sa kidney, apan sa kaso ni Arnold, ulahi na nga madiskobrehan sa mga doktor nga mitipas na sa iyang baga ang kanser ug anaa na sa advanced state ang iyang kanser.
Daghang fans ni Brad ang nakurat sa iyang gipa-ambit nga video sa instagram.
Nahimo emosyonal ang singer dihang iyang gipadayag nga wala siya mahadlok sa maong sakit kay ang Diyos ra ang makapadaug sa bisan unsang hagit sa kinabuhi.
Tungod sa iyang kondisyon, kanselado na ang ilang Summer of ’99 Tour, kay hugot kining gimanduan sa iyang doktor nga mupukos sa pag-ayo sa iyang panglawas.
