Tolo ka mga nursing graduates gikan sa Lungsod sa Cagayan de Oro ang nakasulod sa TOP 10 sa bag-uhay pa lang nalugwa nga resulta sa Nursing Licensure Exam 2026..
Sila nagsumikad sa Liceo de Cagayan University, COC–PHINMA, ug Xavier University.
Usa sa mga topnotcher mao si Deserie Joyce Maghanoy Duhaylungsod gikan sa COC–PHINMA (Cagayan de Oro College) nga nakakuha sa 91.00% rating.
Gikan sa Xavier University, si Ken Kyle Vallente Suizo usab nakab-ot ang 91.00% rating ug nahuptan ang top 7 spot.
Samtang ang Liceo de Cagayan University nakapahimulos sa dakung dungog pinaagi sa pagpasulod sa ilang graduate nga Al-Radjie Laguindab, kinsa mikulit sa 91.4% nga grado
Ang maong kalampusan nagpakita sa lig-on nga kalidad sa nursing education dinhi sa syudad.
Kini usa ka dakong dungog sa mga unibersidad ug inspirasyon sa mga estudyante nga nagtinguha nga mahimong registered nurses.
Ang bag-uhay lang nga Nurses Licensure Examination (NLE) gi-administer sa Board of Nursing niadtong Agosto 29–30, 2026 ug gipadayon sa Setyembre 11–12, 2026 tungod sa pag-adjust sa pipila ka testing centers.
Sa tibuok nasud, 37,359 examinees ang mitake sa board exam ug 28,652 ang nakapasar, nga adunay 76.69% passing rate.
