CAGAYAN DE ORO CITY – Patay ang tulo ka tawo nga gilakipan sa duha ka menor de edad samtang samaron ang laing lima sa dungu-ong bangga tali sa Toyota Ace Van ug trailer truck nga gikargahan sa bulldozer sa Brgy Consuelo,Magsaysay,Misamis Oriental.
Giila sa kapolisan ang mga namatay nga sila Jan Mark Cabayam,25; Tara Angela Dael,17 ug alyas Junrey.
Kritikal usab ang drayber sa van nga si army member Jerry Abella Gaviola nga taga-San Miguel,Bulacan samtang apil samaron ang iyang kapikas nga si Lorie Dael Gaviola ingon man ang ilang duha ka pulos menor de edad nga anak ug Hannah Capote.
Sa imbestigasyon ni Police Staff Sargeant Archie Duat Laurenciana,imbestigador sa Magsaysay Police Station nga padulong Butuan City gikan sa syudad sa Gingoog ang van nasangguyan kini sa bulldozer blade nga gikarga sa trak ug gimaneho usab ni Arniel Lazar Alegarbes nga residente sa Brgy Bitan-agan,San Francisco,Agusan del Sur.
Tungod sa sobrang puwersa sa bangga,gilayong namatay ang tulo ka biktima samtang gidala si Gaviola ug Hannah dinhi sa syudad tungod sa seryoso nila nga nahiaguman.
Samtang ang kapikas niini ug laing mga biktima ang anaa usab sa provincial hospital sa Gingoog City.
Gihimuan pa sa dugang pakisusi ang hitabo.
