Gipahibalo ni House Lead Prosecutor ug Batangas 2nd District Representative Gerville Luistro ngadto sa Senate Impeachment Court nga dili na ipadayon sa Prosecution Panel ang tulo ka mga artikulo sa impeachment batok kang Vice President Sara Duterte nga gilangkuban sa hisgutanan bahin sa confidential funds, bribery ug pagpanghulga.
Matud ni Luistro, tutokan na lamang sa prosekusyon ang pagpresenta sa article II nga bahin sa alegasyon unexplained wealth nga nagpasabot nga dili na ipatawag ang anaa sa 32 ka testigo ngadto sa witness stand.
Gitin-aw ni Luistro nga gatuo ang prosekusyon nga nakapresenta kini og igong ebidensya sa maong artikulo nga bug-at, makapakombinsir, ug naghatag og igong rason alang sa pagkatangtang sa respondent gikan sa iyang posisyon tungod sa salawayong paglapas niini sa konstitusyon ug pagluib sa pagsalig sa publiko. (raniel mahunyag)
