CAGAYAN DE ORO CITY, Philippines – Dili muminus sa 30 ka tawo ang patay ug kapin dosena ang nadala sa hospital human mahilo sa gikonsumo ang makahubog nga ilimnon, sa Eastern Bihar State sa India.
Sa susamang adlaw, aduna nay narehistro nga 15 ka tawo ang patay sa Siwan District, ug lima sa Saran district.
Dugtong niini, gikompirmar ni Bihar’s Director General Police Alok Raj nga 12 na ka tawo ang nasikop sa pagpamaligya sa makahilo nga makahubog nga ilomnon.
Ang death toll misaka pa sa 36 ka tawo sukad sa bulan sa Abril.
