Gisikop sa g Bureau of Immigration, kuyog ang National Bureau of Investigation ang 31 ka foreign nationals sa lungsod sa Makati nga malambigt sa iligal nga operasyon sa online scamming.
Ang operasyon gilusad sa Mayo 5, 2025 sa ika-11 nga andana sa usa ka komersyal nga bilding sa Ayala Avenue, diin nakit-an ang daghang mga langyaw nga nag-operar sa mga computer workstations aron mangilad o fraudulent activities ug target ang mga biktima sa gawas sa nasud.
Gipresentar sa publiko ang mga dinakpan, kagahapon. Namahayag si BI Spokesperson Dana Sandoval nga bigtime nga salapi ang tinguha sa mga langyaw nga scammers kay mga langyaw ang ilang target.
Lakip sa nasikop ang 24 ka mga Chinese Nationals, 2 ka mga Taiwanese, 3 Malaysian, ug 2 ka taga-Myanmar.
Subay sa inisyal nga imbestigasyon, nakasulod ang mga langyaw sa Pilipinas human kini nagpatuo nga mga turista.
Napaslak na sa Bureau’s Warden Facility sa Camp Bagong Diwa, Taguig City ang mga dinakpan.
