Midangop sa Korte Suprema si Bise Presidente Sara Duterte aron kontrahon ang 3 ka ihap sa kasong grave threats nga gipasaka sa Department of Justice (DOJ) batok kaniya pinaagi sa pagpasaka sa petisyon.
Gihangyo sa Bise Presidente nga makanselar ang resolusyon sa DOJ nga nagrekomendang pasakaan siya sa maong kaso pinaagi sa pagpasaka sa Petition for Certiorari and Prohibition nga adunay kaubang aplikasyon para sa Temporary Restraining Order (TRO).
Gusto usab ni VP Sara nga ipakanselar ang resolusyon sa Quezon City Regional Trial Court nga nagbasura sa iyang motion to quash ug apil na usab sa gipagawas niining warrant of arrest batok kaniya.
Apil sa iyang gipasaka ngadto sa Korte Suprema ang pagpabasura ug pagpugong sa prosekusyon ug korte sa Quezon City sa pagbuhat og bisan usang aksyon nga adunay kalabutan sa maong kaso. (RANIEL MAHUNYAG)
