CAGAYAN DE ORO CITY – Mo-bida ang upat ka Misamisnon beauties sa lain-laing national pageant contests nga mahitagayon sa kauluhan ning tuiga.Kini human represantahan ni 2019 Ms CdeO Cindy Obeñita ang Cagayan de Oro,Misamis Oriental sa Bb Pilipinas sa Araneta Coliseum sa Hulyo 11 ning tuiga.
Gibutyag ni Misamis Oriental Provincial Department head Atty Jeffrey Saclot nga ang local model nga si Obeñita nga dili produkto sa Ms Kuyamis Festival nga tinuig gihimo sa Misamis Oriental apan siya ang gipadala sa provincail govy aron dad-on ang pangalan sa syudad ug lalawigan.
Samtang ibandera usab ni 2021 Ms Kuyamis Dannah Joy Tempra ang lalawigan kay kabahin usab kini sa 45 ka kandidata nga milangkob sa Ms World Philippines.
Mikatag ang impormasyon nga himoon ang pageant coronation night niini sa petsa 25 sa Hulyo 2021 sa kauluhan gihapon.
Samtang gitahasan usab ang kauban ni Tempra nga represtahan ni 2021 Ms Kuyamis 1st runnner up Katheryn Guipetacio ang Ms Philippines Earth 2021.
Sa pikas bahin si 2019 Ms Kuyamis ug reigning Ms Bikini Open 1st runner up Chella Grace Falconer ang mo-representar alang sa Ms Universe Philippines.Hinoon,wala pa’y nabutyag nga pinal nga petsa ug venue ang giapilan nila ni Guipetacio ug Falconer.
Gawas kang Obeñita,sila si Falconer,Tempra ug Tan ang pulos produkto sa tuig nga Kuyamis Festival nga naka-angkla sa programang turismo ni incumbent Governor Bambi Emano.
Dumduman nga bisan nagsilbi nga Ms CdeO si Obeñita kaniadto apan dili tiaw ang suporta sa Emano administration kay kasamtangan man usab kini nga usa sa mga opisyal sa turismo nga gipanguluhan ni Saclot sa lalawigan.
