CAGAYAN DE ORO CITY – Gipalig-on pa sa City Health Office o CHO ang kampanya kontra sakit nga dengue nga dala sa mga lamok palibot sa syudad.
Kini human mitala na sa upat ka pasyente ang namatay sa maong sakit sukad Enero ning tuiga hangtod ning semanaha sa Agosto.
Namahayag si CHO head Dra Rachel Dilla nga may pagsaka sa kaso sa dengue nga mitala sa 870 o 45.50 porsiento ning tuiga itandi sa 475 lang sa miaging tuig.
Sagad sa mga naigo sa maong sakit ang nag-edad uno hangtod 84 anyos sa syudad ning tuiga.
Tungod niini,mihangyo ang CHO nga kanunay manglimpyo sa palibot ug sundon ang ensaktong gabayan kontra dengue infections.
Hisayrang kasamtangang gipatuman sa CHO sa kabarangayan ang 5S strategy nga gilangkuban sa ‘Search and Destroy, Self-Protect, Seek Consultation, Support Fogging in outbreak areas ug Sustain Hydration’.
