Milanding sa daghang ihap sa mga patay ang presko nga hugna sa tensyon sa government forces batok sa Houthi Rebels sa Yemen.
Subay sa report, mitala sa 44 ka lawas ang nabangalan sa habagatan nga probinsya sa Lahj sa Yemen, human sa init nga engkwentro sa mga sundalo batok sa mga rebelde nga misulay sa pagkota sa kabukiran sa Al-Madaribah wa Ras Al-Arah nga nagtan-aw sa Bab al-Mandab Strait.
Hisayran nga human sa kapin oras nga binayluay sa bala, gipasigarbo sa Houthi nga sila nakabig sa luna ug napildi ang tropa sa gobyerno.
Base sa opisyal nga rekord, anaa sa 28 ka Houthi ang napatay samtang daghan pa ang nasamdan.
Gikasubo sa opisyales sa Yemen ang pagtaliwan sa ilang 16 ka mga sundalo gikan sa lab-as nga engkwentro.
Sa pagkakaron, padayong gigwardiyahan sa gobyerno sa Yemen ang port city sa Mocha ug Mayyun Island nga buot ilugon sa mga rebelde.
