Mipasidaan ang mga eksperto sa University of Chicago’s Climate Impact Lab nga ang grabe nga kainit tungod sa “super-El Niño” sa tuig 2026, mahimong hinungdan sa kapin 451,000 nga kamatayon sa tawo sa tibuok kalibutan gikan Hunyo hangtod Pebrero 2027.
Subay sa data misaka sa 44% ang sukdanan sa grabeng kainiton sa adlaw itande sa kasagarang tuig. Maoy pinaka-grabe nga maapektuhan ang kontinente sa Aprika, lakip na ang Nigeria nga gibanabana nga adunay 31,400 ang posibleng mamatay.
Sundan kini sa Indonesia nga gibana-bana 19,300 katawo ang nakalas, ug Sudan nga 17,600 ang mitaliwan tungod sa epekto sa grabeng ka-initon.
Sa rehiyon sa Sahel sa Africa, lakip ang Niger ug Chad, gilauman nga moabot sa 66,800 ang dugang nga kamatayon.
Sa Southeast Asia, gibanabana nga ang Pilipinas, Vietnam, Thailand ug Cambodia makasinati sa 19,400 nga dugang nga kamatayon.
Gipahimangnoan sa Climate Impact Lab nga ang kasamtangang El Niño usa ka “postcard from the future” ug kinahanglan nga iprioridad ang emergency response aron maluwas ang daghang kinabuhi sa umaabot nga mga bulan.
