CAGAYAN DE ORO CITY – Wala mausab ang pagsilbing focus sa 4th Infantry Division,Philippine Army sa ilang tahas nga paghatag sa seguridad sa duha ka dagkong rehiyon sa Mindanao.
Kini ang gibutyag ni 4ID commander Brig Gen Michele Anayron Jr nga nag-atubang sa recall petition tungod sa isyu sa conflict of interest sa Misamis Oriental.
Miingon si Anayron nga wala sila’y labot sa kagubot sa politika sa probinsya ug dili angay himoong basehan ang pagsilbing kandidato pagka-mayor sa iyang amahan nga si Atty. Michele Anayron Sr aron ipalagpot kini sa katungdanan.
Siya miingon nga sulod sa 30 ka tuig,giampingan niya ang iyang trabaho aron makaabot sa kasamtangang katungdanan nga gihatag ni Pres Bongbong Marcos.
