Gikompirmar ni DA Spokesperson Arnel de Mesa nga gilauman sa Department of Agriculture ang pagsulod sa kapin 5.5 milyong metriko tonelada nga imported nga palay karong tuiga.
Matud sa tigpamaba nga kabahin kini sa mga lakang sa gobyerno aron masiguro ang igo nga suplay sa pagkaon ug mapalig-on ang food security sa nasud.
Gitinguha usab sa ahensya nga malikayan ang kakulang sa suplay sa bugas taliwala sa hulga sa El Niño nga mahimong makaapekto sa lokal nga produksyon sa agrikultura.
Sumala ni de Mesa, importante ang importasyon aron mapadayon ang kalig-on sa suplay ug makatubag sa panginahanglan sa merkado.
Nagpadayon usab ang DA sa pagmonitor sa kahimtang sa produksyon ug suplay sa bugas sa tibuok nasud.
