CAGAYAN DE ORO CITY – Gilubong na ang 5 ka sakop sa pamilyang Maglinte sa Golden Haven sa Brgy Puerto ning syudad kaganihang hapon.
Kini human nahaya na sa pila ka adlaw ang mga patay’ng lawas sa mga biktima aron masaksihan sa ilang mga mahal sa kinabuhi ug mga kaila sa Brgy Bugo ning syudad.
Namahayag ang igsoong-lalaki nga si Blast Maglinte nga nahukman sa mga kabanay nga magpabiling intact ang mga lawas sa magtiayong Joel ug Annabelle Maglinte apan gipaubos sa cremation ang ilang tulo ka anak ayha itumod sa katapusang pahulayan.
Gibutyag usab ni Blas nga gihinay-hinayan na lang nila’g dawat ang gidangatan sa mga biktima kay aksidente ang panghitabo.
Hisayrang namatay ang mga biktima sa ilang pagpanguli gikan sa pagpanuroy sa lungsod sa Tupi,South Cotabato dihang naaksidente ang gisakyan nila nga L300 van sa miaging semana.
