Lima ka tawo, lakip na ang Brazilian nga singer nga si Rick Sollo sa Sertanejo duo nga Rick & Renner, ang nakit-ang patay human mahagsa ang ilang helicopter sa kabukiran sa estado sa Santa Catarina sa habagatan sa Brazil.
Subay sa report, nawala ang radar ang signal sa ilang gisakyang helicopter niadtong Lunes human milupad gikan sa Porto Belo padulong sa Sao Joaquim.
Unang namahayag ang Fire Department nga labihan kakusog ang ulan nga may sagol kilat ug dalugdog dihang mibiyahe ang mga performers.
Lakip sa mga pasahero nga namatay mao ang negosyanteng si Bruno Avelar, cameraman nga si Paulo Soares, ug ang piloto ug co-piloto.
Hisayran nga nakaplagan ang wreckage sa chopper, kagahapon, atol sa paglusad sa search operation nga naglakip sa 40 ka bumbero, kapin sa 10 ka sakyanan, mga drones, duha ka search dogs, ug usa ka eroplano bisan pa minus ang ground visibility sa bukid.
Nagsubo karon ang tibook entertainment community sa Brazil tungod sa trahedya. Ilado ang duo sa ilang musika dekada 80.
