CAGAYAN DE ORO CITY – Misamot pa ang paghuyang sa nabiling mga sakop sa Dawlah Islamiyah-Maute group nga naglihok sa lungsod sa Munai,Lanao del Norte.
Kini human kompirmaha ni Philippine Army spokesperson Col.Louie Dema-ala nga dugang lima ka terorista ang napatay sa tropa ni 1st ID commander Major General Gabriel Viray III sa engkuwentro kagahapong adlawa.
Namahayag si Dema-ala nga ana sa 12 ka sakop sa terorista ang nabangga sa ilang lower units diin milungtad sa halos usa ka oras ang engkuwentro.
Apil sa napatay ang giingong nagsilbing look-out sa MSU-Marawi bombing sa miaging Disyembre 2023.Na-recover sa sundalo ang M16 rifle, M14 rifle ug ubang kagamitan sa mga terorista.
Apan giangkon usab sa militar nga lima sa ilang kaubanan ang samaron sa maong engkuwentro.
