Gipabuto sa usa ka ‘suicide-bomber’ ang iyahang gisul-ob nga explosive vest samtang adunay gipahigayon nga kasal sa Northwest Pakistan, nga miresulta sa pagkamatay sa 7-ka tawo ug 25-ka tawo nga nasamdan.
Nahitabo ang suicide bombing sa balay ni Noor Alam Mehsud, usa ka pro-government community leader sa Dera Ismail Khan.
Sumala kang local police chief Adnan Khan, gidala ang mga namatay ug nasamran sa balay tambalanan diin pipila sa mga biktima ang anaa sa kritikal nga kondisyon.
Sa kasamtangan, wala pay grupo ang miangkon nga maoy likod sa pag-atake diin usa sa mga gi-suspetsahan kay ang Pakistani Taliban, nga anaay pipila na ka mga higayon nga miatake sa nasud Pakistan sa mga milabay nga tuig
