Gitugutan sa International Criminal Court (ICC) ang mga prosekyutor nga susihon ang pipila ka materyales nga nakuha gikan sa kanhi presidente Rodrigo Duterte human sa iyang pagdakop.
Apan, gisupak sa korte ang hangyo nga ma-access ang tanan niyang dala nga yawe sa iyang mga kabtangan.
Una niini, napagawas na ang public redacted rulings niadtong Biyernes.
Ang ICC miingon nga ang mga piskal mahimong motan-aw sa pipila ka Registry-held materials tungod kay adunay “reasonable grounds” nga kini makahatag ebidensya nga gikinahanglan sa imbestigasyon.
Sa pikas bahin, ang mga huwes misaway sa prosecution tungod sa paghangyo sa access kapin sa usa ka tuig human nila nahibal-an ang maong mga materyales.
Sa laing ruling, gihatagan sa access ang mga piskal sa dugang nga redacted materials apan gilimod ang hangyo sa tanang yawe, kay wala kini igo nga justipikasyon ug mahimong makalapas sa privacy rights sa ikatulong partido.
Gimandoan usab sa chamber ang mga piskal nga isumite ang tanang dugang nga hangyo sa dili pa Hunyo 30.
