Naglaum si Bangko Sentral ng Pilipinas (BSP) Governor Eli Remolona Jr. nga mas daghan pang bangko sa nasod ang magtangtang sa ilang bayranan sa interbank fund transfer sugod karong adlawa, Hulyo 4.
Kini dungan sa pagpatuman sa BSP Circular 1238 diin gimando nga ang deperensya sa bayranan sa intrabank ug interbank transfer kinahanglan magsubay lamang sa aktuwal nga “switch cost” o gasto sa pagproseso sa network.
Sa pagkakaron, ang BPI mianunsyo sa libre nga InstaPay ug PESONet transfers, samtang ang RCBC maghatag og libre nga InstaPay transfers aron mosubay sa bag-ong patakaran sa BSP.
