Napakyas ang Gilas Pilipinas batok sa New Zealand sa score nga 106-102, human sa duha ka overtime sa ‘Window 3 of the 2027 FIBA World Cup Asian Qualifiers’ didto sa Spark Arena sa Auckland kagahapong adlawa.
Bisan pa sa talagsaong mga puntos ni Juan Gomez de Liaño sa krusyal nga bahin sa dula, nabali ang tabla nga 102-ALL tungod sa tip-in ni Sam Mennenga sa kataposang 14 segundos sa ikaduhang overtime, diin maoy nakaluwas kanila aron makuha ang maong dula.
Misamot pa ang kapakyasan sa Gilas human sa crucial nga turnover sa inbound pass ug ang ‘unsportsmanlike foul’ ni Justin Brownlee nga maoy nagselyo sa kadaugan sa New Zealand pinaagi sa mga free throw.
Tungod niini, tulo na ka sunod-sunod nga pildi ang naangkon sa Gilas sa qualifiers, apan nakasulod gihapon sila sa Second Round sa maong kompetisyon.
