Gidakop sa Bureau of Immigration ug Armed Forces of the Philippines ang 76 ka dayuhan sa usa ka iligal nga POGO hub sa Barangay Socorro, Cubao, Quezon City.
Sumala ni BI Intelligence Division Chief Fortunato Manahan Jr., arestado ang 74 ka Chinese ug duha ka Myanmar nationals nga giingong nalambigit sa mga online scam activities.
Giingon ni Immigration Commissioner Joel Anthony Viado nga ang operasyon kabahin sa pagronda sa iligal nga POGO pinaagi sa kamanduan ni Presidente Ferdinand Marcos Jr. ug sa pagpatuman sa Republic Act 12312 o Anti-POGO Act of 2025.
Ang mga nadakpan ipa-ubos sa inquest proceedings ug pag-atubangon sa deportation cases samtang giimbestigahan usab sa AFP ang posibleng hulga sa seguridad tungod kay ang hub nahimutang duol sa Camp Aguinaldo.
Matod pa ni AFP Col. Xerxes Trinidad, padayon ang imbestigasyon aron masuta ang koneksyon sa ubang kalihokan nga makapahamtang sa peligro sa nasudnong seguridad
