CAGAYAN DE ORO CITY – Gitakdang gub-on sa militar ang nabawi nila nga walo ka tag-as nga armas nga iya sa rebeldeng New People’s Army o NPA nga ilang na-engkuwentro diha sa Talakag,Bukidnon.
Kini human mismo ang mga residente nga gibinlan nila sa mga armas ang nagtug-an kabahin sa gipanglubong nga mga armas gikan sa maong grupo.
Miingon si 403rd IB,Philippine Army commander Col Ferdinand Barandon nga gawas sa AK-47 rifle,M203 rifleg,M-16 ug improvised firearms,nabawi usab nila ang ubang kagamitan sa kalihukan sama sa mga tambal ug personal belongings sa mga rebelde.
Hinoon,namugos si Barandon nga walay ilang sundalo nga nasamdam gawas lamang sa usa ka NPA member nga giingong naigo nunot sa unom ka hugna nga engkuwentro sa magkalahing adlaw sa Bukidnon.
