CAGAYAN DE ORO CITY – All systems go na ang ipahigayo’ng Association of Southeast Asian Nations (ASEAN) landmark lighting sa Cagayan de Oro City sa Agosto 8 ning tuiga.
Gibutyag ni City administrator Dionne Gersana nga nahimong palaran ang syudad tungod kay napili kini sulod sa 50 sites sa tibook nasud diin ipahigayon ang simbolikong pagpasuga sa parola nga may logo sa ASEAN.
Himoon ang symbolic ligthing alas 7 ang takna sa gabie sa Divisoria.
Una niini, sa susamang adlaw mahitabo ang dakung job fair sa Bonifacio Park, sugod alas 9 sa buntag hangtud alas 3 sa hapon.
Mahitabo usab ang mural painting display sa maong lugar.
Hisayran nga ang Pilipinas maoy tipik sa unang original nga sakop sa organisasyong Association of Southeast Asian Nations.
Lakip sa mga miyembro niini mao ang nasud sa Indonesia, Malaysia, Singapore, Thailand, Brunei, Cambodia, Laos, Myanmar ug Vietnam.
Ning tuiga, ang Pilipinas ang napiling host sa ASEAN summit.
