CAGAYAN DE ORO CITY – Patay human wala makagawas ang duha ka construction paintors sulod sa art gallery sa 3rd floor building sa iya sa Capitol University diha sa Corrales Extension ning syudad kaganihang buntag.
Giila ang mga biktima nga sila si Brian Solarte nga taga- Brgy Lapasan ug Dave Marvin Ramoga,27 anyos nga nagpuyo sa Brgy Cugman pulos nakabase ning syudad.
Gibutyag ni SF01 Imelda Barasan,imbestigador sa Bureau of Fire Protection nga posibleng nag-ulbo ang kalayo tungod sa thinner nga gigamit sa mga biktima.
Giingong dali ang pagkuyanap sa kalayo sa CU museum tungod kay walay bintana sa art gallery hinungdan sa sunog.Balor sa P100-mil ang inisyal nga damyos sa maong sunog.
Gilayong gikanselar usab sa CU management ang tanang klase sa kolehiyo ug senior high school tungod sa hitabo.
