CAGAYAN DE ORO CITY-Patay ang usa ka lalaki nga giingong may deperensiya sa pangisip human wala makagawas sulod sa detention cell sulod sa CSWD office diin naka-konektar ang police station diha sa Poblacion,El Salvador City,Misamis Oriental.
Giila ni Supt Jerry Tambis,commander sa El Salvador Police Station ang biktima nga si Rene Fuentes,40 anyos pataas ang edad ug nagpuyo sa maong dakbayan.
Gibutyag ni Tambis nga posibleng ang gihatag nga lighter ug sigarilyo sa igsoon sa biktima nga gidagkutan niini ang posibleng hinungdan sa pag-ulbo sa kalayo kaganihang kadlawon.
Nasunog usab ang duha ka M-16 rifles,short firearms ug kagamitan sa maong police station.Hinoon,naluwas sa kapolisan ang duha ka lalaki nga detinado sa maong buhatan.
Bana-bana nga anaa sa tunga sa milyon ka pesos ang inisyal nga damyos sa maong sunog.
