CAGAYAN DE ORO CITY-Nakahilak sa kalipay ang lolo ni Filipino-American Angelica Bolando Hale human makab-ot ang ikaduhang pasidungog sa bag-uhay pa gitak-upang lumba sa kanta sa Americas Got Talent season 12 sa tinipong bansa sa Amerika kagahapong adlawa.
Gibutyag ni Jeanette Tamparong, ikaduhang kapikas sa nabalo nga si lolo Policarpo Bolando Jr nga halos walay kabutangan sa ilang gibati human ang ngalan sa iyang apo nga si Angelica ang naproklamar isip second runner
up taliwala sa kalinghod sa iyang pangiradon.
Dugang ni Tamparong nga wala pay laraw nga makauli ang pamilya ni Angelica tungod kay bag-uhay lamang kining nagpakatawo sa iyang kamanghurang anak niadtong Agosto 29.
Una niini,gikompirmar ni Bolando Jr nga naliwat si Angelica sa iyang laing lolo nga anaa sa pagkahilig sa pagkanta.
Nasayran nga naggikan sa Dipolog City ang kaliwatang Bolando samtang kasamtangang nagpuyo ang inahan ni Angelica nga si Eva Bolando Hale sa Iligan City ayha nanimpalad ug naminyo didto sa Amerika.
