CAGAYAN DE ORO CITY-Nangayo’g dugang lugway ang militar aron matapos ang krisis sa Marawi City.Mismo si National Defense Sec. Delfin Lorenzana ang nangayog lugway human mapakyas ang ilang pasalig nga tapuson ang Marawi crisis kagahapong adlawa.
Gibtuyag ni Lt. Gen. Carlito Galvez, commander sa AFP Western Mindanao Command o Wesmincom nga nagkinahanglan pa ug dugang panahon ang militar sa pagtapos sa krisis kay nagpabiling hagit alang kanila ang pagluwas sa nabiling 46 ka bihag nga gikuptan sa Maute terror group.
Asoy ni Galvez nga pipila na lamang ka Maute fighters ang naka-engkwentro karon sa militar sa main battle area.Samtang ibubo ang balor 20 hangtud 40 bilyon pesos nga inisyal nga pondo sa gobyerno alang sa pagsugod sa rehabilitasyon sa Marawi City.
Pagsalig kini ni Sen Win Gatchalian atol sa iyang pagbisita sa Marawi City kagahapong adlawa.
Mismo sila si Marawi City Mayor Majul Gandamra nga sakop Joint Task Group Ranao, AFP Col Romeo Brawner ug Gen Galvez sa WestMinCom ang misugat sa delegasyon ni Gatchalian sa maong pagduaw.
Gituki sa panagtagbo ang subling pagtukod sa mga tunghaan ug paghatag trabaho sa mga nawad-an sa panginabuhian.
Tipik sa maong proyekto ang pagpa-utang sa mga negosyante aron mubalik ang kalig-on sa ekonomiya nga apektado sa kagubot nga mugna sa teroristang Maute-ISIS group.
