Mobalik sa Pilipinas ang Filipino-British singer-songwriter nga si Beatrice Laus o mas nailhan sa iyang stage name nga “beabadoobee” alang sa Manila leg sa iyang ‘The Powerlines Tour’ sa Abril 13, 2027.
Gikatakdang mag-perform ang artista sa SM Mall of Asia Arena sa Pasay City, sumala sa pahibalo sa lokal nga event organizer sa konsiyerto.
Sugdan ang pre-sale sa iyang concert tickets sa Oktubre 12 ug ang general sale sa Oktubre 15.
Ang tour maoy mosunod sa pagpagawas sa iyang ika-upat nga album nga “Pylon” nga gi-release niadtong Septyembre.
“beabadoobee” nagsumikad sa kaliwat Ilonggo, ug ang umaabot nga konsiyerto sa 2027 mao na ang ikatulong higayon nga makapahimuot siya sa mga Filipino fans, human sa iyang mga pagbisita sa nasud niadtong 2022 ug 2025.
