CAGAYAN DE ORO CITY-Nagpadayon ang imbestigasyon sa militar sa motibo sa pagluthang-patay sa usa ka local official sa Sitio Hindangan, Brgy. White Kulaman, Kitaotao, Bukidnon.
Giila ni 403rd Infantry Brigade civic military operations officer Capt Norman Tagros ang namatay nga si Brgy Councilor Romeo Bantilan Jr. Si Tagros miingon nga usa ka alyas Aman sa Guerilla Front 53 of the NPA’s Southern Mindanao Regional Committee ang mipusil sa biktima gamit ang AK-47 rifle kauban ang lima ka armadong tawo nga nagsilbing lookouts.
Nakaangko’g lima ka samad pinusilan sa iyang lawas ang biktima nga maoy hinungdan sa iyang kamatayon.
Una nang miggawas ang report nga gipugos si Councilor Bantilan sa mga rebelde nga ipalayas sa lugar sa wala gikabutyag nga rason.
